الجزء السادس عشر
الفصل الرابع _ فطور العريس ، العقد ، حنة العريس ( سامي )
يارا : الليلة الأتنين صحيت الفجر مع الآذان وصليت الصبح حاضر و الحمدلله ، بعدها سمعت كركبة و إزعاج شديد و ناس داخلين و ناس مارقين . مرقت أنا زاتي من الأوضة بتاعتي و مشيت تحت . ولمن وصلت لقيت بنات كوتار حيمات وصواني كبييييييييرة و حلل وصحون و جووووووووووطة سألت ماما الحاصل شنو ؟ قالت لي ماشين حسي نودي شاي و قهوة الصباح لناس خالتو مها . وفعلا الجارات مشوا لأركويت بستة بكاسي في كل بوكس في صينية ضخمة مليانة شاي و قهوة و بسكويت و بتيفور و كيك و الصواني دي مزينة بطريقة جميلة شديد . ما إشتغلت بالموضوع كتير ورجعت للأوضة بتاعتي و نمت تاني . وصحيت الساعة 8 علي أصوات زغاريد .نزلت تحت تاني شفت العجائب . 6 صواني حقت أكل حجم عائلي مزينة بطريقة رهيبة ومليانة بكل أنواع الأكل البتخطر علي بال الناس وكمان مع كل صنية شنطة بتاعت سفر سألت ماما ده شنو ؟؟ ردت علي و قالت لي
مريم : ده فطور سامي
يارا : ماما بتبااااااااااااااالغي ده كلو 0.0 فطور العريس ؟؟؟
مريم : سامي هين ولا مها هينة بعد المليار الأدوه ليك ده ضروري نيجدع في فطوره
يارا : لكن للدرجة دي ؟؟؟ والشنط دي فيها شنو ؟؟
مريم : فيها تياب و موبايلات و قمصان و بناطلين و 100 ألف هدايا للناس الحيحضروا فطور سامي
يارا : ما بسألك يا ماما أها و تاني ؟؟؟
مريم : وتاني طبعا الستة بكاسي و الصواني دي وكل شيء حنرفعوا في البكاسي هدية لسامي و مها
يارا : ماما !!!!!!!!!!!!!!!!!!!! ده شنو العرس الخرافي ده 0.0 ( مش أنت القلتي دايرة عرس زي ده يا يارا )
مريم : أنا عندي بنت واااااااااحدة بس ضروري عرسها يحكو بي لحدي ما أولادها يدخلوا المدرسة
يارا : بابا !!!!!!!!! تعال شوف ماما بتبالغ كيف
محمد : لازم نثبت لناس مها و كمال أن نحنا ما أقل منهم وأن بنتنا بنت ناس وعز ( والله أثبتوا أنكم ناس عز كفايا )
يارا : ..................................................... ، ما قادرة أعبر .
مريم : نحن ماشين ما تنسي مواعيدك مع الكوفير طيب ، أنا حأرجع متأخر شدييييييييييييد
يارا : حاضر
و بالطريقة دي بكاسي فطور العريس مشت من المنشية لأركويت
البنات الفي البكاسي :
يا سامي يا ود الهنا
عروسه جات بجنبنا
يا سامي يا ود السرور
عروسه ما شبه الخور ( بالله ده غنى ده وكمان يا الله قال أغاني سيرة )
يا سامي يا أخو البنات
عروسه دمها زي الشربات
يا سامي يا ود المنا
زعلك كتير بيهمنا
يا سامي أوعك تسيب البورد
عشان ما ينسحب مني الباسورد
آيووووووووي يووووووووووووي يووووووووي يوووووي
في أركويت
مها : أنا سامعة صوت الزغاريد ، وصوت الدلوكة و البنات .
دعاء : معناها مريم و فطور العريس وصل
وبعد ما البنات و الصواني و الحاجات نزلت
النسوان و البنات :
أفرحي يا أم العريس جاتك عروس أصلية
مأصلة بنت عز و قبيلة
جاتك عروس قمر
تونسك في السمر
أفرحى يا أم العريس جاتك عروس بشهادة
مربية و متعلمة وتانية الشهادة
آيووووووووي يووووووووي يووووووووي
مها : إتفضلوا إتفضلوا .
مريم : جيبو الصواني و الهدايا يا بنات
البنات : حاضر يا خالتو
الساعة 1 ضهر
كمال : يلا يا جماعة بعد ده نحن نمشي المسجد نصلى الضهر و نبدا العقد
الرجال : آيوه
.......................................................................................................................................
وفي المنشية
سارة :عاد لكن يا يارا أمك خطييييييييرة كان جنس فطور عريس هو
يارا : دي ما خطيرة ده إسمو مبالغة !!!!!!!!!!
شيماء : لكن يا يارا مش أنت القولتي دايرة ليك عرس رهيب و خرافي كدا
يارا : آي قلت دايره ، لأني كنت متأكدة أن العريس هو عثمان ومش سامي
و الدموع العشرة نزلت
مروة : يا سارة يا شيماء يلا يلا الرجال حيرجعوا من العقد بعد شوية يلا نبدا نرص في الغدا
سارة و شيماء : جايين نحن جايين
.................................................................................................................................
وهناك في المسجد تم العقد و توزع البلح و الفوشار و البيبسي و الحلاوة
( كل واحد يمشي يسأل شيخ الحلة العقد بتم كيف أنا ما عندي روح أكتبوا )
سامي : يا بابا ماما و خالتو مريم ديل ما بيبالغو شديد في العرس ده
كمال : ابدا دي ما مبالغة أنت ولدنا الوحيد و البكير كمان ، ويارا البنت الوحيدة عشان كدا عرسكم ضروري يكون حاجة رهيبة
سامي : ده ما عرس رهيب ده عرس ضياع قروش ( والله أنت الزييييييييييييييييت )
كمال : ولد أتلهي أسكت ويلا قدامي لبيت ناس خالتك يلا النمشي للغدا
....................................................................................................................................
وبعد الغدا وبعد تقديم الهدايا
النسوان و البنات ( شيالات ) مع الفنانة حنان بلو بلو :
سلام سلام يا أم العروس
جايك عريس تمام يا أم العروس
حسي حسي يا أم العروس و قسمي البيبسي يا أم العروس
حسي حسي يا أم العروس جايك عريس جميل جميل يا أم العروس
سلام سلام يا أم العروس جايك عريس تمام يا أم العروس
حسي حسي يا أم العروس جايك عريس طويل يا أم العروس ( في داعي للكلام ده في الأغنية دي ؟؟؟ والله حنس كلام فارغ )
فليح فليح يا أم العروس جايك خضار سمح يا أم العروس
سلام سلام يا أم العروس جايك عريس تمام يا أم العروس
شطا شطا يا أم العروس جايك عريس طاطا يا أم العروس
سلام سلام يا أم العروس جايك عريس تمام يا أم العروس
آيووووووووي يووووووووووي يوووووووووووووي يوووووووووووي
مها : يلا يا مريم مع السلامة نشوفك في الحنة بعد ده
مريم : إن شاء الله
يارا : طبعا ماما مشت من الساعة 8 وقعدت عند ناس سامي لحدي الساعة 4 بعد داك جات هنا مع الفنانة دي و بدوالغدا . الغدا بدا الساعة 5 و نص إنتهي مع آذان المغرب و حسي بعد صلاة المغرب ماما و بابا و صحباتي ماشين لحنة سامي
......................................................................................................................................
في أركويت
مها : يا أولاد لسا ما جهزتو سامي ده
هاني : إنتظري دقيقتين بس يا خالتو
سامي : أمي ليييييييه ضروري ألبس الجلابية والحاجات الكتيرة دي وكمان أشيل لي سيف ؟؟؟
مها : ولد حنة العريس كدا أسكت وخلي أصاحبك اليزبطوك
سامي : حاضر حاضر
كمال :يا ولد يلا سريع قالوا طه سليمان وصل صالة الفردوس بسرعة
سامي : يعني أسوي شنو أنا آه ؟؟ ما أنتو رجعتوني من الغدا بتاع عقدي متأخر
مها : معليش معليش حاولوا تستعجلوا حبة بس
هاني : أهو خلاص إنتهينا أخيرا الجلابية ثبتت
كمال : فضحتنا يا ولد بالضعفا حقتك دي
سامي : معليش معليش يلا للصالة
وفي البصات و العربات الماشا للصالة
البنات و النسوان :
التلات تلات الغدا سامي سيرو
نصيحة للبريد سامي أنا سامي ده بريدو سامي الليلة سيرو
التلات تلات العشا سامي سيرو
ماشا لقراية العيشا سامي الليلة سيرو
غنيت ليك السرايا الليلة سامي سيرو
عينك حمرا و شرارا سامي سيرو
هيي بالإرادة سامي وارث الشطارة سامي سيرو
أمو قالت من زمان هو مابي الحقاره ( كضب سامي حقار مع يارا ) سامي سيرو
النصيحة للبريد سامي سامي ده أنا بريدو سامي الليلة سيرو
آيووووووووي يوووووووووي يوووووووي يوووووي
وبعد ساعتين
هاني : وصلنا للقاعة
أغنية الزفة :
فرحانا بيك أنا يا جناي في يوم زواجك و فرحتك
بخلط دموعي أنا ليك أمل في صحن سعادتك و حنتك
بتذكرك وقت تاتاتي ويايومه أول كلمتك
والليلة يا سيد الروجال فرحتا أمك و حلتك
يا ربي أحفظ لي جناي ويعيش سعيد في نعمتاك
آيوووووووووي يووووووووووي يووووووووووي
سامي : أبشرو أبشرو أبشرو ( راس هوس أنت )
طه سليمان :
جناي البريدو واحضر جديدو واحنينو في ايدو يا الله حضرني
يخلص مدرستو الـ ليها حمستو......يا الله حضرني
ويكبر ونستو ,بي مناي حدثتو....
ما اسمع الخاسرة,دي تقول لي جكستو....
بس اسمع بت الناس تقول لي عرستو....
جناي البريدو واحضر جديدو واحنينو في ايدو يا الله حضرني
يخلص الجامعة,حد السنة الرابعة....
دعواتي ي السامعة,في المرتبة اللامعة وافرحبو بي الدامعة....
انا اشوفو في بيتو,ما يصادف القامعة....
معاهو بت الناس ي الله حضرني ,لا قاسية لا طامعة ي الله حضرني....
جناي البريدو واحضر جديدو واحنينو في ايدو يا الله حضرني
ده يشتغل قاضي,للفارغة ما فاضي....
يشتغل دكتور,يبقي المرض ماضي,ده يعالج امراضي....
ويشتغل بوليس,الشعب بيهو راضي....
أو باشا ومهندس,في مساحة الاراضي....
يحقق الامال ي الله حضرني ويحقق أغراضي ي الله حضرني
جناي البريدو واحضر جديدو واحنينو في ايدو يا الله حضرني
يبقي لي حـــاجـــة,الناس ليهو محتاجة....
لي الله بتناجي,للكعبة وحجاجا....
يٌزورني الروضة,انا وامسك سياجا....
ويشاوروا لي كبارو, ويقولو هنداك جا ,ده يراطن الخواجة....
ما يحوجني الحاجة ي الله حضرني, في الدنيا الحواجة ي الله حضرني
جناي البريدو واحضر جديدو واحنينو في ايدو يا الله حضرني
في عرسو يعزم ناس, ويغني ليهو ترباس....
ويكرم نسابتو, الحضرو والجلاس....
ويقيم مدامو, بالدهب وبالـ الالماس....
جناي حبيب قلبي, الراقي والحساس....
ربيتو يبقي عزيز ي الله حضرني, لايشقي لا ينداس ي الله حضرني
جناي البريدو واحضر جديدو واحنينو في ايدو يا الله حضرني
ده وليدي سميتو, الليلة لوليتو....
ده غناي الغنيتو, ده عشاي الحبيتو وجناي الربيتو....
يا الله ماتشيلني, إلا اشوفو في بيتو....
ده من عيون الناس ي الله حضرني, بعيوني ضاريتو....
جناي البريدو واحضر جديدو واحنينو في ايدو يا الله حضرني
آيووووووووي يوووووووووووي يوووووووووووي
وسامي و أصحابوا رقصو و إستمتعوا بالحفلة
.......................................................................................................................................
في أركويت
يارا : حفلتك قالوا لي كانت إبداع
سامي : آي و الله أصحابي ما قصرو معاي أبدا
يارا : الحمدلله
سامي : آي الحمدلله ، آها مستعدة ليوم الخميس ؟؟؟
يارا : آي وعلي بركة الله بس إتذكر بعد عرسنا حنمشي بورتسودان أول
سامي : آي أكيد لازم و ضروري أنا بكرة دي حأمشي أحجزتذكرتين سفر لبورتسودان
يارا : ................. شكرا يا سامي ( غريبة الليلة أنت ظريفة )
سامي : عفوا يا يارا ....... يلا تصبحي علي خير أنا فتران شديد
يارا : هههههههه وأنت من أهله
مريم : يا يارا بتضحكي براك كده بداية الصباح مع منو ؟
يارا : مع سامي يا ماما
مريم : آها ما صدقتي عقد عليك الليلة طوالي بدينا التلفونات ؟؟
يارا : ماما ما تفهمي غلط ضربت ألملم شمار حفلة حنتو
مريم : ما تستعجلي يا بنتي يوم الجمعة حتمشي معاه و حتفضلي معاه ليوم الدين
يارا : ................. إن شاء الله
مريم : إن شاء الله . نومي بعد ده حنمشي بكرة الكوفير من بدري
يارا : حاضر تصبحي علي خير
مريم : وأنت من أهله
ومرقت مريم و خلت بيتها يارا
يارا : يا رب العالمين خطة سامي تنجح و أعرس عثمان بدون مشاكل
و إتخمدت يارا و نامت
..................................................................................................................
في اركويت
مها و دعاء : تصبح علي خير يا عريسنا
سامي : و أنتوا من أهلو
وفي أوضة سامي
سامي : يفضل بس بعد ده العرس و بعدو يا يارا حأخليك سعيدة للأبد
......................................................................................................
بالجد سامي حيخلي يارا سعيدة للأبد ؟؟؟؟
نهاية الفصل الرابع من الجزء السادس عشر
موضوع: " السعادة الحقيقية هي " 1